De devote in d'ode kirke

Lang geleden dat de offerblok nog zoveel succes kende.
Tekst en stem: Jan Deloof (°1930)

Van ensentens de kirke, g’hoolpm
deur ne sterkn iëkie wandelstok,
purtsjikt er rap nen oderwetske kwezel
snuchtns tieluk naer dn offerblok.

T’r vliegt in ’t glas van heure lichtn
bril ’n vlammeke van devosie roond
en g’hiël heur diep geloive keun dzje
meetn an ’t gedaover van heur moond.

Ze skart, vernibbeld en verlaen, naer
drie-vier stikskes van nen holve frang
en ze laet ze iën voir iën in ’t spleetse
voln. ’t Geeft nen doive klank.

En ol mankn, daovern, skartn,
leenk ne goe suldaet ip post,
geraokt ze, winter-zomer, oltid
van heur eenkel geld verlost.